Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 56.23

EUR 60.31

23 апрель, Йәкшәмбе

Уфа   °

Рөстәм Хәмитов аҙыҡ-түлеккә хаҡтар артыуы сәбәптәрен тикшерергә ҡушты

Сәйәсәт

Башҡортостан Президенты Рөстәм Хәмитов республика Хөкүмәте ағзаларына төп аҙыҡ-түлек продукттарына хаҡтарҙың артыуын туҡтатыу өсөн саралар күрергә һәм уларҙың хаҡы күтәрелеүенең ысын сәбәптәрен асыҡларға ҡушты. Төбәк башлығының матбуғат хеҙмәтенән хәбәр итеүҙәренсә, эксперттар, сауҙа компаниялары һәм аграр сектор вәкилдәре ҡатнашлығында был мәсьәлә буйынса киңәйтелгән кәңәшмә ошо аҙнала уҡ үткәреләсәк.

«Мин талап ҙур булыуы менән файҙаланып байырға тырышыусыларҙы тикшерергә ҡуштым. Төп аҙыҡ-түлек продукттарына хаҡтар артыуына мин бер ниндәй ҙә тәүшарттар күрмәйем. Аҙыҡ-түлек баҙарында өҫтәмә килем алырға маташыуҙарға ҡаты сик ҡуйырға кәрәк. Хаҡтар артыу менән беҙ килешмәйәсәкбеҙ», — тине Рөстәм Хәмитов.

Республика башлығы Башҡортостан Республикаһы Премьер-министры урынбаҫары Шамил Вахитовҡа әлеге ваҡытта аҙыҡ-түлек продукттары баҙарындағы хәлгә анализ яһарға һәм хаҡтарҙың артыуын туҡтатыу буйынса тейешле ҡарар әҙерләргә ҡушты.

Яндекс цитирования
Рейтинг ресурсов "УралWeb" -->
закрыть