3 декабрь, Шәмбе

20 сентябрь 2010 йыл, 15:43

Башҡортостанға йылы килде

автор: Рәсүл Хәмиҙуллин

Башҡортостанда был аҙна йылы булырға вәғәҙә итә. Башгидромет үҙәгенең баш синоптигы Анна Козаева хәбәр итеүенсә, кесе йомаға тиклем республикала һауа торошо артыҡ үҙгәрмәйәсәк. Көндөҙ температура 24 градус тәшкил итәсәк, ә ҡайһы бер райондарҙа һауа 28 градусҡа тиклем йылынасаҡ.

— Иң йылы һауа торошо Стәрлетамаҡта һәм Туймазыла күҙәтеләсәк, — ти Анна Козаева. — Шул уҡ ваҡытта төнөн термометр бағанаһы бер градус йылыға тиклем төшәсәк.

Кесе йома атмосфера баҫымының кәмеүе көтөлә. Йома көнө республиканың ҡайһы бер урындарында ямғыр яуыуы ихтимал. Ял көндәре яуым-төшөмһөҙ буласаҡ, ләкин һауа температураһы бер аҙ төшәсәк һәм 20 градус тирәһе тәшкил итәсәк.  

темалар: һауа торошо