3 декабрь, Шәмбе

17 сентябрь 2010 йыл, 11:38

«Салауат Юлаев» Ҡаҙағстанға ҡунаҡҡа китте

автор: Дмитрий Слезин

Йома көндө, 17 сентябрҙә, Өфөнөң «Салауат Юлаев» командаһы Континенталь хоккей лигаһының өсөнсө чемпионатында беренсе күсмә матч үткәрә. Астанала өфөлөләрҙе урындағы «Барыҫ» көтә.

Ҡаҙағстан командаһы үҙенең майҙанында нигеҙҙә бирешмәҫкә тырыша.  Ағымдағы уйындар һөҙмтәһендә «барыҫтар» «юлаевсыларҙан» бер мәрәйгә алда бара (уларҙа алты мәрәй), әммә улар бер матчҡа күберәк уйнаған.

«Салауат» үҙенең Чернышев дивизионында дүртенсе урында: 1.«Себер» (Новосибирск) – 9 мәрәй (4 матч); 2.«Авангард» (Омск) – 6 (3); 3. «Барыҫ» (Астана) – 6 (3); 4.«Салауат Юлаев» (Өфө) – 5 (2); 5.«Амур» (Хабаровск) – 3 (4); 6. «Металлург» (Новокузнецк) – 2 (3).

темалар: хоккей, КХЛ