8 декабрь, Кесе йома

17 сентябрь 2010 йыл, 11:26

Ял көндәрендә Өфөлә көҙгө йәрминкәләр башлана

автор: Рәсүл Хәмиҙуллин

Иртәгә, 18 сентябрҙә, Өфөнөң Спорт һарайы һәм “Алтын” сауҙа комплексы алдындағы майҙандарҙа ауыл хужалығы йәрминкәләре асыла. Уларҙа республиканың Башпотребсоюз системаһы предприятиелары һәм ауыл хужалығы тауарҙарын етештереүселәр үҙҙәренең продукцияһын тәҡдим итәсәк.  

Өфө хакимиәтенең мәғлүмәт-аналитика бүлегенән хәбәр итеүҙәренсә, ҡала халҡының ит, һөт продукттары, картуф, йәшелсәләр, бал, он һәм ярма изделиелары, кондитер изделиелары һәм башҡаһын һатып алырға мөмкинлеге буласаҡ.

Бынан тыш, 18-19 сентябрҙәге йәрминкә майҙандарынан башҡа, ҡала халҡы картуфты Өфөнөң Орджоникидзе районының “Тирәктәр” (“Тополя”) сауҙа комплексы алдындағы майҙанда һәм Совет районының Комсомол урамында 18-се йорт ҡаршыһындағы майҙанда автомашиналарҙан һатып ала аласаҡ.