3 декабрь, Шәмбе

16 сентябрь 2010 йыл, 9:01

Күмертау йәштәрен 16 сентябрҙә вакансиялар йәрминкәһендә көтәләр

автор: Эльмира Сабирова

Эш урындары вакансиялары йәрминкәһе Күмертауҙа 16 сентябрҙә «Дуҫлыҡ» мәҙәни-методик үҙәгендә үтәсәк. Ул «Йәштәргә — эш!» республика йәштәр акцияһы сиктәрендә үткәрелә. Сараны ойоштороусылар булып ҡаланың Халыҡ мәшғүллеге үҙәге, Күмертау хакимиәтенең йәштәр эштәре буйынса комитеты, көньяҡ-көнбайыш төбәктең республика йәштәр мәғлүмәт үҙәге филиалы, «Аҫыл таштар» йәштәр-үҫмерҙәр үҙәге сығыш яһай.

Йәрминкәлә эш урындарын предприятиелар, ойошмалар, учреждениелар, шәхси эшҡыуарҙар тәҡдим итәсәк. Сара барышында теләге булғандарға Социаль-психологик ярҙам үҙәге белгестәрендә тест үтергә һәм квалификациялы консультация алырға мөмкинлек буласаҡ. Шулай уҡ йәштәр республика вакант урындар банкынан мәғлүмәт ала аласаҡ .

темалар: йәштәр