9 декабрь, Йома

15 сентябрь 2010 йыл, 12:16

Киоскылар мәктәп менән күршелек өсөн тауарҙарынан ҡолаҡ ҡаҡты

автор: Ольга Мортазина

Ленин районы прокуратураһы хеҙмәткәрҙәре балиғ булмаған үҫмерҙәргә тәмәке һәм алкоголь һатыуҙы сикләү тураһында закондарҙың күҙәтелеүен тикшерҙе. Уларҙың иғтибарын уҡыу йорттары менән йәнәш урынлашҡан сауҙа нөктәләре йәлеп итте. Норматив акт менән билдәләнеүенсә, улар араһындағы алыҫлыҡ йөҙ метрҙан кәм булмаҫҡа тейеш.  

Прокурорҙар тәмәке һәм алкоголь менән һатыу иткән бер нисә киоск һәм магазиндың 1-се урта дөйөм белем биреү мәктәбенән 50 метрҙа, йылға училищеһынан ике метрҙа, 4-се урта мәктәптән 30 метрҙа, 46-сы урта мәктәп эргәһендә урынлашыуын асыҡланы. Етмәһә, һуңғы киоск икенсе тапҡырына тикшереү аҫтына эләгә. Хужаһына ул саҡта административ производство ҡулланылғайны, хәҙер уға һатыусыһы эләкте.

Бөтә сауҙа нөктәләрендә тыйылған тауар һатыуҙан алынды, тип хәбәр иттеләр Ленин районы прокуратураһында.