11 декабрь, Йәкшәмбе

15 сентябрь 2010 йыл, 10:32

Октябрҙә Өфөлә иң яҡшы автосервис исеменә конкурс башлана

автор: Рәсүл Хәмиҙуллин

1 октябрҙә Өфөлә «Иң яҡшы автосервис – 2010» ҡала конкурсын асыу тантанаһы үтәсәк. Ҡатнашыусыларға һөнәри оҫталыҡтарын һәм хеҙмәт күнекмәләрен күрһәтергә мөмкинлек буласаҡ. Уларҙың эшен компетентлы жюри баһалаясаҡ.

Оҫталар бер нисә номинацияла ярышырға тейеш. Улар араһында «Кузов ремонты», «Шиндарҙы иң яҡшы монтажлаусы», «Автомаляр», «Автойыуыу» һәм башҡалар бар.

Конкурсты Өфө хакимиәте һәм Башҡортостан Республикаһы Автомобиль сервисы һәм транспорт предприятиелары ассоциацияһы ойоштора.

«Башинформ» агентлығына ҡала хакимиәтенең хеҙмәттәрҙе координациялау һәм көйләү бүлеге начальнигы Ольга Завьялованың хәбәр итеүенсә, был көнкүреш хеҙмәтләндереү өлкәһе һуңғы арала йылдам үҫешә. Йыл һайын конкурстың халыҡ араһында абруйы күтәрелә бара.  

Еңеүселәрҙе рәсми рәүештә бүләкләү ноябргә билдәләнгән.