8 декабрь, Кесе йома

13 сентябрь 2010 йыл, 9:54

Президент Йәрмәкәй районы хакимиәте башлығын вазифаһынан бушатыуҙы талап итте

автор: БР Президентының матбуғат хеҙмәте

Башҡортостан Президенты Рөстәм Хәмитов Йәрмәкәй районы хакимиәте башлығы Дифғәт Хантимеровты биләгән вазифаһынан бушатыу тураһында ҡарар ҡабул итте. Был турала республика башлығы 11 сентябрҙә Башҡортостан Хөкүмәте Президиумы ултырышында хәбәр итте.

Район башлығын эштән сығарыу сәбәбе булып интернет селтәрендә урынлаштырылған видеоролик торҙо, унда Дифғәт Хантимеровтың спортзалда уҡыусылар менән нисек күнекмәләр үткәреүе күрһәтелә.

Башҡортостан Президенты, Дифғәт Хантимеров республиканы оятҡа ҡалдырҙы, тип сикһеҙ нәфрәтләнеүен белдерҙе. Йәрмәкәй районы башлығы ҡатнашлығындағы видеороликты интернетта тиҫтәләгән мең файҙаланыусы ҡараған.

Рөстәм Хәмитов Йәрмәкәй районы башлығын кисекмәҫтән эштән сығарыуҙы талап итте һәм Башҡортостан Президенты Хакимиәте башлығы Николай Кураповҡа дүшәмбегә, 13 сентябргә, тейешле ҡарар проектын әҙерләргә ҡушты. Республика башлығы әйтеүенсә, был видеоролик хоҡуҡ майҙаны сиктәрендә артабан тикшерелергә тейеш.

«Бындай тәртип боҙоуҙарға ҡаршы беҙ аяуһыҙ көрәшәсәкбеҙ», – тип һыҙыҡ өҫтөнә алды Башҡортостан Президенты.

темалар: отставкалар