10 декабрь, Шәмбе

07 сентябрь 2010 йыл, 16:03

Дыуан хакимиәтендә участка планын әҙерләгән өсөн законһыҙ аҡса алғандар

автор: Ольга Мортазина

Дыуан районы прокуроры план буйынса үткәрелгән тикшереү барышында ҡануниәт боҙоу осрағын асыҡлаған: «Архитектура һәм ҡала төҙөлөшө бүлеге» муниципаль учреждениеһында төҙөлөшкә рөхсәт биреү һәм ер участкаһының планын әҙерләү өсөн түләү алғандар. Граждандар — 2500 һум, юридик шәхестәр 7500 һум түләгән.

Әммә, РФ Ҡала төҙөлөшө кодексының 46-сы статьяһының 17-се пунктына ярашлы, бындай документтар мөрәжәғәт килгәндән һуң 30 көн эсендә бушлай бирелергә тейеш.

Район прокуроры район хакимиәтенең законһыҙ эштәренә судҡа ялыу биргән, ә унда чиновтиктарҙы документтарҙы бушлай бирергә мәжбүр иткәндәр, тип хәбәр итә БР Прокуратураһының матбуғат хеҙмәте.