8 декабрь, Кесе йома

07 сентябрь 2010 йыл, 14:00

Өфөлә республика уҡыусыларының фехтование буйынса Спартакиада ярыштары үтә

автор: Дмитрий Слезин

Өфөләге Башҡортостан Республикаһының юғары спорт оҫталығы әҙерлек үҙәгендә республика уҡыусылары Спартакиадаһының фехтование буйынса ярыштары үтә.

Шәхси иҫәптә ҡыҙҙар араһында рапира буйынса турнирҙа призлы урындарҙы Өфөнөң Совет районы спортсылары алды: беренсе урында — Татьяна Голосеева  (23-сө олимпия резервындағы махсус балалар-үҫмерҙәр спорт мәктәбе), Элина Ибрагимова — икенсе (шул уҡ 23-сө спорт мәктәбе), Арина Грушина — өсөнсө (19-сы спорт мәктәбе).

7 сентябрҙә ҡыҙҙар араһында рапирала команда ярыштары үтәсәк, 8 һәм 9 сентябрҙә— егеттәр араһында рапирала шәхси һәм команда ярыштары, 11 һәм 12  сентябрҙә — шпагасы егеттәр араһында шәхси һәм команда иҫәбенә ярыштар.

Ярыштар 1994-1999 йылғы егет һәм ҡыҙҙар араһында үткәрелә.

Ойоштороусылар – Башҡортостан Республикаһының Юғары спорт оҫталығы әҙерлек үҙәге һәм БР Йәштәр сәйәсәте һәм спорт министрлығы.  

темалар: фехтование