4 декабрь, Йәкшәмбе

07 сентябрь 2010 йыл, 12:06

«Уфа губернская» сайты икенсегә экстремистик тип табылды

автор: Ольга Мортазина

Көн элгәре Өфөнөң Киров районы прокуроры ғаризаһы буйынса «Уфа губернская» www.ufagub.ru интернет-сайты икенсе тапҡыр экстремистик тип танылды. 2009 йылдың мартында Өфөнөң Киров район суды уны бер тапҡыр экстремистик тип атағайны инде, тип хәбәр итә БР Прокуратураһының матбуғат хеҙмәте.  

Әммә 2010 йылдың июнендә кассацион ялыу буйынса Юғары суд был ҡарарҙы ғәмәлләштермәне һәм судҡа яңынан ҡарауға йүнәлтте: район суды эшендә процессуаль характерҙағы ҡағиҙә боҙоуҙар асыҡланғайны.  

Хоҡуҡ һаҡлаусылар үҙҙәренең ҡарашын йәнә раҫланы: милләт-ара дошманлыҡ һәм ыҙғыш тоҡандырыусы булараҡ сайт экстремистик һанала. Судтың был ҡарары законлы көсөнә инмәгән әле.