11 декабрь, Йәкшәмбе

06 сентябрь 2010 йыл, 17:31

Санкт-Петербургта милли түләү системаһы мәсьәләләре тикшереләсәк

автор: Рәсүл Хәмиҙуллин

7 — 9 сентябрҙә Санкт-Петербургта «Милли түләү системаһы һәм уны ғәмәлгә ашырыуҙа Рәсәй Банкының роле» бөтә Рәсәй кәңәшмәһе үтәсәк. Сарала Башҡортостан Республикаһы Милли банкы рәйесе Рөстәм Мәрҙәнов та ҡатнашасаҡ.

Элегерәк Рәсәй Федерацияһы Президенты Дмитрий Медведев берҙәм түләү системаһын булдырырға тәҡдим итте, уның нигеҙендә артабан бөтә рәсәйлеләр социаль карталар алырға тейеш. Уның фекеренсә, дәүләт хеҙмәттәрен түләү һәм социаль түләүҙәрҙе ҡулаҡсаһыҙ формала алыу өсөн мөмкинлектәр ярайһы киңәйтелергә тейеш.