11 декабрь, Йәкшәмбе

03 сентябрь 2010 йыл, 16:57

Рөстәм Хәмитов: Благовар районында теплицалар етештереүгә ярҙам итергә кәрәк

автор: Евгений Рәхимҡолов

«Благовар районында теплицалар өсөн металл конструкциялар етештергән предприятиеға ярҙам итергә кәрәк», — тип белдерҙе бөгөн район буйынса эш сәфәре барышында Башҡортостан Республикаһы Президенты Рөстәм Хәмитов, «Теплица» яуаплылығы сикләнгән йәмғиәтенә барып, предприятие эшселәре менән аралашҡанында.

«Теплица» элекке икмәкхана базаһында урынлашҡан. Бөгөн бында продукция етештереү һәм һатыу менән шөғөлләнгән 94 кеше эшләй. Бер йылда предприятие — 86,6 миллион һумлыҡ, ағымдағы йыл башында  48,8 миллионлыҡ үҙе етештергән тауар тейәгән. Предприятие хеҙмәткәрҙәренең уртаса эш хаҡы 12,5 мең һум тәшкил итә.