03 сентябрь 2010 йыл, 10:35
Өфө һәм Стәрлетамаҡта Бесландағы теракт ҡорбандары иҫтәлегенә акция үтә
автор: Эльмира Сабирова
3 сентябрҙә, Бесландағы теракт ваҡытында һәләк булғандарҙы иҫкә алыу көнөндә, Өфөлә һәм Стәрлетамаҡта «Аҡ таҫма таҡ» акцияһы үтә. Уны «Дорожное радио» менән берлектә Рәсәй Йәштәр Союзының республикалағы ойошмаһы — Башҡортостан Демократик йәштәр союзы ойоштора.
Акцияның маҡсаты – Бесланда һәләк булғандарҙы хөрмәтләп иҫкә алыу.
Хәтерегеҙгә төшөрәбеҙ, 2004 йылдың 1 сентябрендә Бесланда террористар мәктәпте баҫып ала. Өс көндән ашыу уҡыусылар, уларҙың ата-әсәләре һәм уҡытыусылар енәйәтселәр менән бикләп тотола. Трагедия 300-ҙән ашыу кешенең, шул иҫәптән 186 баланың ғүмерен өҙә, 500-ҙән ашыу кеше яралана.
— Башҡортостан демократик йәштәр союзы менән «Дорожное радио» акцияға ҡушылып, ҡала урамдарында активистарыбыҙ таратҡан аҡ таҫмаларҙың береһен беләккә тағып, Бесланда һәләк булғандарға, зыян күреүселәргә теләктәшлегегеҙҙе белдерергә саҡыра, — ти йәштәр ойошмаһының матбуғат секретары Антонина Уланова.
Статьи по теме
