3 декабрь, Шәмбе

02 сентябрь 2010 йыл, 11:57

Башҡортостанда когенерацион типтағы газ турбиналы өс электр станцияһы төҙөлөшөн финанслау тураһында ҡарар ҡабул ителде

автор: Любовь Колоколова

Быйылғы йылдың авгусы аҙағында «Внешэкономбанк» дәүләт корпорацияһының инвестицион операцияларҙы үҫтереү комитеты Өфө, Октябрьский, Бәләбәй ҡалаларында дөйөм электр ҡеүәте 48 МВт, йылылыҡ ҡеүәте сәғәтенә 102 Гкал/ға тиң булған өс газ турбиналы электр станциялары төҙөлөшө проекты буйынса Башҡортостан Республикаһының инвестиция заявкаһын ыңғай хәл итте. Был турала БР Сәнәғәт һәм инновацион сәйәсәт министрлығының матбуғат хеҙмәте хәбәр итә.

Белгестәр аңлатыуынса, проектты финанслауҙың беренсе этабы банкҡа 1,7 миллиард һумға төшә.