7 декабрь, Шаршамбы

30 август 2010 йыл, 10:04

1 сентябрҙә хоҡуҡ һаҡлаусылар араһында конкурс башлана

автор: Юлай Мәғсүмов

Мәскәүҙең Хельсинки төркөмө 2010 йылда кеше хоҡуҡтарын яҡлау өлкәһендә премияларға дәғүә итеүгә конкурс иғлан итте.

Беҙҙең илдә кеше хоҡуҡтарын яҡлау эшенә ҙур өлөш индергән һәм ағымдағы йылда үҙенең эшмәкәрлегендә ярайһы ҙур һөҙөмтәләргә ирешкән РФ граждандары йәки сит ил граждандары, шулай уҡ Рәсәй биләмәһендә даими йәшәгән гражданлығы булмаған шәхестәр премияға дәғүә итеүгә күрһәтелә ала.

Хоҡуҡ һаҡлау эшмәкәрлеге менән шөғөлләнгән граждандар һәм ойошмалар премияға дәғүә итеүгә кандидаттар күрһәтеүгә хоҡуҡлы.

Премияға документтар 2010 йылдың 1 сентябренән 15 октябренә тиклем ҡабул ителә. Документтарҙы ябай почта йәки электрон почта аша ебәрергә мөмкин: 107045 Мәскәү, Оло Головин тыҡрығы, 22. Е-mail: mhg-main@online.ptt.ru

Халыҡ-ара кеше хоҡуҡтары көнөнә ҡарата йомғаҡ яһаласаҡ (2010 йылдың 10 декабре).