9 декабрь, Йома

30 август 2010 йыл, 12:05

Салауат Юлаев» Марат Азаматов Мемориалында еңде

автор: Дмитрий Слезин | фото: Андрей Яровиков

Өфөнөң Спорт һарайында 1994 йылғы егеттәр араһында Марат Азаматов иҫтәлегенә халыҡ-ара турнир тамамланды.

Турнирҙы асыу матчындағы кеүек, финалда Өфөнөң «Салауат Юлаев» командаһы менән Чехиянан ҡунаҡтар – «Энергия» (Карловы Вары) осрашты. Был юлы (беренсе матчта өфөлөләр еңгәйне – 4:0) «юлаевсылар» көсөргәнешле алышта өҫкә сыҡты — 4:3, улар турнирҙағы бөтә уйындарҙа ла еңелеү белмәне, тимәк, бәхәсһеҙ алтын наградалар алды.

«Металлург» (Магнитогорск) өсөнсө урын яуланы, ул «Нефтехимик»тағы тиҫтерҙәрен бер мәрәйгә генә отто (Нижнекамск) – 5:4.

Турнирҙың иң яҡшы уйынсылары иҫәбендә: ҡапҡасы Данил Романов һәм иң әһәмиәтле, кәрәкле уйынсы «Салауат Юлаев»тан Максим Богатыренко.

темалар: хоккей