10 декабрь, Шәмбе

30 август 2010 йыл, 14:33

Өфө ветерандары Рәсәй Президентынан наградалар алды

автор: Ольга Мортазина | фото: Олег Яровиков

30 августа Хөкүмәт Йортонда вице-премьер Фидус Ямалетдинов өс Бөйөк Ватан һуғышы ветеранына «Еңеү» Рәсәй ойоштороу комитетының иҫтәлекле миҙалдарын тапшырҙы.

Улар менән Республика ветерандар советы рәйесе Марат Сабит улы Муллағәлләмов, «Трудовая доблесть России» бөтә Рәсәй йәмәғәт ойошмаһының Төбәк бүлексәһе рәйесе урынбаҫары, Социалистик Хеҙмәт Геройы Ғилман Ғирфан улы Яҡупов, Республика ветерандар советы президиумы ағзаһы, йәштәр менән эшләү буйынса комиссия рәйесе Сабир Шәйәхмәт улы Йыһаншин наградланды.

— Беҙҙең ветерандар ойошмаһы юғары баһа алды: Бөйөк Еңеүҙе билдәләр алдынан уның етәкселәре ҙур байрам хәстәрҙәрен үҙ өҫтөнә алды, һәм авторитеттары арҡаһында улар йәмғиәттең бар ҡатламдарын да берләштереүгә өлгәште, — тине Фидус Ямалетдинов. — Рәсәй Президенты Ҡарары менән улар «Еңеү» миҙалына лайыҡ булды.

— Хеҙмәтебеҙҙе юғары баһалағаны өсөн Хөкүмәткә ҙур рәхмәт, — тип һүҙ алды Марат Муллағәләмов. — Беҙ уға артабан да мөмкин тиклем ярҙам итербеҙ, тип уйлайым.