10 декабрь, Шәмбе

27 август 2010 йыл, 14:16

Республика Хөкүмәтендә медсоветҡа әҙерлекте тикшерәсәктәр

автор: Әлфиә Әһлиуллина

Йома көндө, 27 августа, Башҡортостан Республикаһы Хөкүмәтендә вице-премьер Фидус Ямалетдинов рәйеслегендә һаулыҡ һаҡлау буйынса республика советының 2010 йылдағы күсмә ултырышы капиталь төҙөлөш объекттарының әҙерлек мәсьәләләре буйынса кәңәшмә үткәреләсәк.

Хәтерегеҙгә төшөрәбеҙ, тәүге тапҡыр быйыл ул республика баш ҡалаһы – Өфөлә үтәсәк. Раҫланған планға ярашлы, сираттағы медицина форумына әҙерлек сиктәрендә Өфөлә ҡайһы бер һаулыҡ һаҡлау объекттары төҙөү, капиталь ремонтлау һәм уларҙы медицина ҡорамалдары менән йыһазландырыу, шулай уҡ юлдарҙы ремонтлау һәм территорияларҙы төҙөкләндереү ҡаралған. Атап әйткәндә, әлеге ваҡытта дүрт объект — Ҡыуатов исемендәге Республика клиник дауаханаһының акушер-гинекология корпусы, Республика клиник онкология диспансерының хирургия корпусы, Республика туберкулезға ҡаршы диспансерының хирургия корпусы һәм Республика психиатрия дауаханаһы комплексы төҙөлә.