11 декабрь, Йәкшәмбе

26 август 2010 йыл, 15:32

Өфө трикотаж фабрикаһы янғындан ҡаза күреүселәргә ярҙам күрһәтте

автор: Рәсүл Хәмиҙуллин

«Өфө трикотаж фабрикаһы» асыҡ акционерҙар йәмғиәте коллективы урман янғындарынан зыян күргән Рәсәй төбәктәре халҡына ярҙам күрһәтте. Ҡаза күреүселәргә 200 мең һумдан ашыу суммаға трикотаж изделиелар менән машина ебәрелде.  

— Ҡоро аномаль эҫелек быйыл йәй бар ил буйынса ҙур иҫәптә урман янғындарына килтерҙе. Һөҙөмтәлә йөҙәрләгән кеше – ҡыйыҡһыҙ, меңәрләгәне йәшәү өсөн средстволарһыҙ ҡалды, — ти фабрика вәкилдәре. — Беҙ битараф ҡала алманыҡ һәм иң кәрәклеһенән дә мәхрүм булғандарға ярҙам итергә ҡарар иттек.

Әйтергә кәрәк, Өфө трикотаж фабрикаһы ҡаланың социаль тормошонда һәм хәйриә акцияларында һәр ваҡыт әүҙем ҡатнаша.