9 декабрь, Йома

26 август 2010 йыл, 11:11

Сибай ит комбинаты һуйыу цехын модернизациялағандан һуң тулы ҡеүәтенә эшләй башлаясаҡ

автор: Евгений Рәхимҡолов | фото: Олег Яровиков

Баймаҡ районына эш сәфәре дауамында БР Президенты Рөстәм Хәмитов Сибай ит комбинатын модернизациялау барышы менән танышты. Һуңғы ике йылда был эшкә 2,5 миллион һум тотонолған, яңы ҡорамалдар һатып алынған. Әммә предприятие тулы ҡеүәтенә эшләһен өсөн күпкә ҙурыраҡ капитал һалыуҙар талап ителә. 1971 йылда нигеҙләнгән ит комбинаты Совет заманында СССР Оборона министрлығы заказы буйынса эшләгән һәм айына 120 тонна колбаса изделиелары сығарған. Әлеге мәлдә уның етештереүсәнлеге ике тапҡырға кәмерәк.

Конкурс буйынса идарасы Евгений Лысовтың әйтеүенсә, бөгөнгө көндә төп бурыс – һуйыу цехын модернизациялау, уға 150 миллион һум талап ителәсәк.