3 декабрь, Шәмбе

26 август 2010 йыл, 10:17

Йәш «юлаевсылар» «Евразия Кубогы»нда еңде

автор: Дмитрий Слезин

Бөгөлмә ҡалаһында (Татарстан) 2000 йылғы малайҙарҙан торған хоккей командалары араһында «Евразия Кубогы» уйындары тамамлана. Өфөнән «Салауат Юлаев-2000» турнир башланғандан алып бар дүрт матчта ла еңеп сыҡты, тип хәбәр итә «Салауат Юлаев» хоккей командаһының рәсми сайты.

«Юлаевсылар» «Нефтсе»не (Альметьевск) — 5:2, «Трактор»ҙы (Силәбе) — 3:2, «Себер»ҙе (Новосибирск) — 8:1 һәм «Арслан»ды (Бөгөлмә)  10:1 иҫәбе менән тар-мар итте.

Турнирҙың һуңғы көнөндә, 26 августа, «юлаевсылар» Ҡазандың «Ак Барс»ы менән осрашасаҡ. Уйындар тамамланмаһа ла, алдағы һөҙөмтәләре арҡаһында өфөлөләр ваҡытынан алда «Евразия Кубогы»на эйә булды.  

темалар: хоккей