9 декабрь, Йома

25 август 2010 йыл, 11:21

Монополияға ҡаршы хеҙмәт элеваторҙар эшен тикшереүгә тотондо

автор: Юлай Мәғсүмов

Рәсәй Федераль монополияға ҡаршы хеҙмәтенең Башҡортостан буйынса идаралығы тарафынан монополияға ҡаршы закондар менән тыйылған, игенде һаҡлау буйынса хеҙмәтләндереүҙәр баҙарында хаҡтар (тарифтар) билдәләүгә йүнәлтелгән килешеүҙәр төҙөү билдәләре буйынса элеваторҙарға, башҡарма власть органдарына һәм айырым хужалыҡ итеү субъекттарына ҡарата алты енәйәт эше ҡуҙғатылды.  

Бындай килешеүҙәр төҙөү монополияға ҡаршы закондар талаптарына ҡаршы килә. Ундай килешеүҙәрҙе 2006 йылдың 26 июлендәге “Конкуренцияны яҡлау тураһында” 135-се Федераль закондың 13-сө статьяһы 2-се өлөшөнә ярашлы норматив хоҡуҡ акты сығарыу юлы менән Рәсәй Федерацияһы Хөкүмәте генә төҙөй ала.  

Асыҡланған закон боҙоуҙар билдәләре иген – он – икмәк сылбырында икмәккә һәм икмәк-булка изделиеларына хаҡтар артыуға булышлыҡ итеүсе факторҙар булып тора.