3 декабрь, Шәмбе

25 август 2010 йыл, 10:56

Яңы Балаҡатайҙа һыу үткәргес торбаларҙа колиформ бактериялар табылған

автор: Ольга Мортазина

Балаҡатай районы прокуроры Яңы Балаҡатай ауылындағы һыу үткәргес ҡулайламаларының береһен файҙаланыуҙы тыйҙы, тип хәбәр итә БР Прокуратураһының матбуғат хеҙмәте.  

Лаборатор анализдарҙан күренеүенсә, был торбаларҙағы һыуҙа дөйөм колиформ бактериялар бар. Был, үҙ сиратында, уның йүнләп таҙартылмауын йәки бысранғанлығын аңлата.

Хәҙер «Балаҡатай» торлаҡ-коммуналь хужалығы, БР Гигиена һәм эпидемиология үҙәге тәҡдимдәрен ҡулланып, һыу сифатын яҡшыртыу сараларын үткәрергә тейеш.