6 декабрь, Шишәмбе

24 август 2010 йыл, 10:51

Һуғыш ветерандарының торлаҡ мәсьәләһе хөкүмәт контролендә

автор: Юлай Мәғсүмов

Бөгөн Башҡортостан Хөкүмәтендә муниципалитеттар башлыҡтары урынбаҫарҙары ҡатнашлығында кәңәшмә үткәрелә. Унда Бөйөк Ватан һуғышы ветерандарын һәм хәрби хеҙмәттән сығарылған граждандарҙы торлаҡ менән тәьмин итеү мәсьәләһе тикшереләсәк.

Әйткәндәй, Рәсәй Хөкүмәте Төбәктәр үҫеше министрлығына һуғыш ветерандарын торлаҡ менән тәьмин итеү өсөн РФ субъекттары бюджеттарына субвенциялар биреүгә 67,62 миллиард һум күләмендә өҫтәмә аҡса бүлде. Хөкүмәттең 2010 йылдың 20 авгусындағы 1399-се тейешле бойороғона Премьер-министр Владимир Путин ҡул ҡуйҙы. 2010 йылдың мартында Төбәктәр үҫеше министрлығына был маҡсаттарға 34,53 миллиард һум аҡса бүленгәйне инде.