9 декабрь, Йома

24 август 2010 йыл, 9:25

Партияларға үҙ эшмәкәрлеген яҡтыртҡанда тиңлек гарантиялана

автор: БР Президентының матбуғат хеҙмәте

Башҡортостан Республикаһы Президенты Рөстәм Хәмитов “Республика телеканалы һәм радиоканалы тарафынан үҙ эшмәкәрлеген яҡтыртҡанда Башҡортостан Республикаһы Дәүләт Йыйылышы — Ҡоролтайҙағы сәйәси партияларҙың тиңлеге гарантиялары тураһында” Башҡортостан Республикаһы Законын тормошҡа ашырыу буйынса саралар хаҡында” Указға ҡул ҡуйҙы.

Указға ярашлы Башҡортостан Республикаһы Дәүләт Йыйылышы — Ҡоролтайҙағы сәйәси партияларҙың эшмәкәрлеген телевидениела һәм радиола яҡтыртыуҙы Башҡортостан Республикаһының “Башҡортостан” телерадиотапшырыуҙар компанияһы дәүләт унитар предприятиеһының структур подразделениелары – “Башҡортостан юлдаш телевидениеһы” — “БЮТ” һәм “Башҡортостандың “Юлдаш” радиоһы мәғлүмәт-музыка каналы” тормошҡа ашыра.

Указ ҡул ҡуйылған көндән көсөнә инде.