4 декабрь, Йәкшәмбе

23 август 2010 йыл, 12:42

НефАЗ ярты йылда табышлы эшләгән

автор: Любовь Колоколова

«Нефтекама автозаводы» асыҡ акционерҙар йәмғиәте ағымдағы йылдың беренсе ярты йыллығында 1,73 миллион һум күләмендә саф табыш алған. Уҙған йылдың ошо уҡ осоронда ул 142,02 миллион һумға зыянға эшләгән булған.

«НефАЗ» асыҡ акционерҙар йәмғиәтенең матбуғат секретары Вера Харисованың әйтеүенсә, саф табыш предприятиела етештереү күләменең артыуы менән аңлатыла. Мәҫәлән, быйылғы ғинуар-июндә автозаводтың кереме 5,2 процентҡа артҡан —  2,47 миллиард һумға тиклем, тулайым килем 5,6 проценҡа күтәрелгән —158,5 миллион һумға тиклем.

Хәтерегеҙгә төшөрәбеҙ, НефАЗ «КамАЗ» асыҡ акционерҙар йәмғиәте төркөмөнә ҡарай. Заводтың самосвал, вахта автобустары һәм цистерналар, төрлө моделдәге пассажирҙар автобустары етештереү өсөн эре производство майҙандары бар.