9 декабрь, Йома

20 август 2010 йыл, 10:14

Дәүләкәндән чиновник 200 мең һум ришүәт талап иткән

автор: Ольга Мортазина

Республиканың тикшереү органдары Дәүләкән районы Алға ауыл советының 51 йәшлек башлығына ҡарата енәйәт эше асты. Тикшереүҙән билдәле булыуынса, чиновникка Әлшәй районы кешеһе Асылыкүл буйынса ер бүлеп биреүен һорап мөрәжәғәт иткән. Күлдең яр буйҙары айырым һаҡланған тәбиғәт биләмәһе иҫәпләнә, һәм был ерҙәрҙе халыҡҡа ҡулланыуға биреү закон менән тыйыла.  Норматив акттарҙы урап үтер өсөн ялған документтар кәрәк була, һәм Алғаның башлығы үҙенең хеҙмәте өсөн 200 мең һум талап итә. Ришүәт биргән саҡта ул үҙенең кабинетында енәйәт өҫтөндә тотола.  Әлеге ваҡытта тикшереү дауам итә.