8 декабрь, Кесе йома

16 август 2010 йыл, 14:14

«Салауат Юлаев» ҡаза күреүселәр иҫәбенә бер миллион ярым күсерәсәк

автор: "Башинформ"

«Салауат Юлаев» шәфҡәтлелеккә бер миллион ярым күсерәсәк. Аҡсалар Янғындан зыян күреүселәргә ярҙам фондына йүнәлтеләсәк.  

Питерҙың СКА командаһы менән Омскиҙың «Авангард»ының инициативаһы был, улар һәләкәтле янғындарҙан һуң Янғындан зыян күреүселәргә ярҙам фондына аҡса күсерҙе һәм башҡа командаларҙы ла ситтә ҡалмаҫҡа саҡырҙы. Акцияға тәүгеләрҙән булып «юлаевсылар» ҡушылды. Ярҙам итеү тураһында ҡарарҙы команданың күҙәтеү советы, тренерҙар штабы, уйынсылар бергәләп ҡабул итә. Ярҙам күләме — бер миллион биш йөҙ мең һум. Аҡса 16 августа махсус ярҙам фонды иҫәбенә күсереләсәк, тип хәбәр итә хоккей клубының рәсми сайты.