8 декабрь, Кесе йома

12 август 2010 йыл, 16:24

Рөстәм Хәмитов мәктәптәрҙе юғары тиҙлекле Интернет менән тәьмин итергә ҡушты

автор: БР Президентының матбуғат хеҙмәте

2010 йылдың 12 авгусында Башҡортостан Республикаһы Президенты, Башҡортостан Хөкүмәте Премьер-министры вазифаһын башҡарыусы Рөстәм Хәмитов бойороҡҡа ҡул ҡуйҙы. Уға ярашлы, республиканың мәғариф учреждениелары Интернет ресурстарынан юғары тиҙлектә файҙаланыу менән тәьмин ителәсәк.

Бойороҡҡа мәғлүмәт-коммуникация технологиялары нигеҙендә белем биреү процесын ойоштороу өсөн шарттар булдырыу маҡсатында ҡул ҡуйылды.

Документҡа ярашлы, “Мәғариф” өҫтөнлөклө милли проекты сиктәрендә мәктәптәргә Интернет селтәренә тоташыу буйынса хеҙмәттәр күрһәтеүсе “Башинформсвязь» һәм «Уфанет» асыҡ акционерҙар йәмғиәттәренә хеҙмәттәрҙең хаҡын арттырмайынса секундына кәмендә 1 Мбит/с тоташыу тиҙлеген тәьмин итеүсе ойоштороу-техник саралар башҡарырға тәҡдим ителә.