3 декабрь, Шәмбе

12 август 2010 йыл, 11:49

Капиталь төҙөлөш идаралығы начальнигы итеп Марат Гәрәев тәғәйенләнде

автор: Рәсүл Хәмиҙуллин

Өфө хакимиәтенең Капиталь төҙөлөш идаралығы начальнигы итеп Марат Гәрәев тәғәйенләнде. Был турала «Башинформ» агентлығына ҡала мэрияһынан хәбәр иттеләр.

Хәтерегеҙгә төшөрәбеҙ, бүлексәнең элекке етәксеһе Ильяс Мөниров хәҙер Башҡортостан Республикаһының Транспорт һәм юл хужалығы буйынса дәүләт комитетын етәкләй.

Марат Рәшит улы Гәрәев 1971 йылда тыуған. Өфө нефть институтын тамамлаған (әле Өфө дәүләт нефть техник университеты), белеме буйынса инженер-төҙөүсе. 2000-2002 йылдарҙа Өфөнөң Октябрь районы капиталь төҙөлөш идаралығы начальнигы булып эшләй.  Артабан 2007 йылға тиклем «КПД» асыҡ акционерҙар йәмғиәтенең генераль директоры урынбаҫары була. Һуңғы йылдарҙа коммерция ойошмаларында етәксе вазифаларын биләй.