9 декабрь, Йома

12 август 2010 йыл, 11:28

Башҡортостан Президенты «Башҡортостан» МТС-ы элеваторы эше менән танышты

автор: Евгений Рәхимҡолов | фото: Олег Яровиков

Башҡортостан Президенты Рөстәм Хәмитов Шишмә районы буйлап эш сәфәре барышында «Башҡортостан» машина-технология станцияһы элеваторы эше менән танышты, предприятие етәкселеге һәм эшселәре менән аралашты. Республика башлығын ашлыҡ һуғыу ситемаһы, хеҙмәткәрҙәр иҫәбе, һалым буйынса бурыстар һәм эштә булған проблемалар ҡыҙыҡһындырҙы.

Игенде урып-йыйыу, Рөстәм Хәмитов әйтеүенсә, әлеге мәлдә барлыҡ ауыл хужалығы предприятиелары өсөн төп бурыстарҙың береһе. Элеваторға визитын тамамлап, ул предприятие етәкселегенә уларҙың эшенә артабан да иғтибар бүләсәген белдерҙе.

«Беҙгә һөҙөмтәле эш кәрәк, проблемалар түгел», — тип һыҙыҡ аҫтына алды ул.

Район буйлап сәфәрендә БР Президентын БР Хөкүмәте Премьер-министры урынбаҫары Шамил Вахитов оҙатып йөрөй.