9 декабрь, Йома

11 август 2010 йыл, 18:01

Куйбышев тимер юлы начальнигы менән осрашыу

автор: БР Президентының матбуғат хеҙмәте | фото: Альберт Заһиров

11 августа Башҡортостан Республикаһы Президенты Рөстәм Хәмитов Куйбышев тимер юлы начальнигы Сергей Кобзев менән эш осрашыуы үткәрҙе.

Тимер юл транспортында йөк һәм пассажирҙар ташыу өлкәһендә хеҙмәттәшлекте камиллаштырыу, пассажирҙарҙы хеҙмәтләндереүҙе яҡшыртыу мәсьәләләре ҡаралды. Шулай уҡ республикала ҡала яны поездарында пассажирҙар ташыуҙы ойоштороу системаһы хаҡында ла һүҙ барҙы. Сергей Кобзев Башҡортостанда ҡала яны компанияһын башлау өсөн барыһы ла әҙер, тип хәбәр итте. «Беҙ Башҡортостандың яңы етәкселеге менән хеҙмәттәшлек итергә әҙер һәм республиканы үҫтереү буйынса перспектив пландарҙы бойомға ашырыуҙа ярҙам итәсәкбеҙ», — тип билдәләне Сергей Кобзев. Республиканың төньяҡ төбәгендә тимер юл төҙөлөшөн ул перспектив проекттарҙың береһе тип атаны.

Рөстәм Хәмитов һәм Сергей Кобзев шулай уҡ Өфө станцияһының тимер юл вокзалын реконструкциялау мәсьәләһе буйынса фекер алышты. Башҡортостан Президенты проблеманың тиҙ арала хәл итеүҙе талап итеүен һыҙыҡ өҫтөнә алды.