11 декабрь, Йәкшәмбе

06 август 2010 йыл, 8:33

Башҡортостан Президенты дәүләт комитеты етәкселәрен билдәләне

автор: БР Президентының матбуғат хеҙмәте

Башҡортостан Президенты Рөстәм Хәмитов дәүләт комитеттары рәйестәрен тәғәйенләү тураһында Указдарға ҡул ҡуйҙы.  

Хәлит Мәхмүт улы Мәхмүдов БР Төҙөлөш һәм архитектура буйынса дәүләт комитеты рәйесе итеп тәғәйенләнде.

Башҡортостан Республикаһының Тарифтар буйынса дәүләт комитеты рәйесе итеп Фәдис Фәүҡәт улы Сәлимгәрәев билдәләнде.

БР Сауҙа һәм ҡулланыусылар хоҡуҡтарын яҡлау буйынса дәүләт комитетын Илдар Илдус улы Әхмәтшин етәкләй.

Ильяс Яхъя улы Мөниров бынан алып БР Транспорт һәм юл хужалығы буйынса дәүләт комитеты рәйесе.

Башҡортостан Республикаһының Дәүләт заказдарын урынлаштырыу буйынса дәүләт комитеты етәксеһе итеп Сергей Владимирович Новиков тәғәйенләнде.

Башҡортостан Республикаһының Эшҡыуарлыҡ һәм туризм буйынса дәүләт комитеты рәйесе функциялары Айҙар Ирмит улы Хәлиловҡа йөкмәтелде.