10 декабрь, Шәмбе

04 август 2010 йыл, 12:35

Өфөлә тыуған кеше ЛОКО-Банк идараһы рәйесе урынбаҫары итеп тәғәйенләнгән

автор: Юлай Мәғсүмов

Леонид Вакеев ЛОКО-Банк Идараһы рәйесе урынбаҫары итеп тәғәйенләнгән. Был вазифала уның яуаплылығы өлкәһенә банктың халыҡ-ара бизнесын үҫтереү, бурыс инструменттары, сауҙа һәм структура финанслауы, рейтинг процесын һәм инвесторҙар менән мөнәсәбәттәрҙе ойоштороу инәсәк. Уның алдында торған бурыстар араһында ЛОКО-Банктың халыҡ-ара корреспондент селтәрен киңәйтеү, сит ил финанс институттары менән стратегик хеҙмәттәшлекте үҫтереү һәм башҡалар бар.

Леонид Вакеев 1975 йылда тыуған. 1997 йылда «Иҡтисад теорияһы. Банк эше» белгеслеге буйынса Башҡорт дәүләт университетының иҡтисад факультетын  тамамлаған.

Хеҙмәт юлын 1997 йылда «Башкредитбанк»та башлай. 2005 йылдан 2010 йылға тиклем – «УРАЛСИБ» банкыһының Үҙәк офисында етәксе вазифаларын биләй. ЛОКО-Банкҡа «УРАЛСИБ» банкының Халыҡ-ара бизнес департаменты башҡарма директоры посынан килә.