8 декабрь, Кесе йома

03 август 2010 йыл, 16:31

Суд приставтарын алдарға маташыу килеп сыҡмай

автор: Ольга Мортазина

«Бурыслылар өсөн сик бикле» — суд приставтары тап ошо тәьҫир итеү сараһының иң һөҙөмтәлегә әйләнеүен билдәләй. Мәҫәлән, 2010 йылдың ете айында улар сик һаҡсыларына 2300 күрһәтмә ебәргән, ә 2009 йылда бындай ҡарарҙар ни бары 1700 булған.  

Миҫалға яңыраҡ булып үткән ваҡиғаны килтерәбеҙ: 150 меңдән ашыу бурысы булған республика кешеһе, хәйләгә барып, Рәсәйҙән ситкә күрше төбәктән сығырға ҡарар итә, тип хәбәр итә Федераль суд приставтары хеҙмәтенең Башҡортостан Республикаһы буйынса идаралығының матбуғат хеҙмәте. Әммә хәйләләшеүҙән файҙа юҡ: бурыслылар өсөн илдән сығыуҙы сикләү илдең бар территорияһында ғәмәлгә ашырыла.