5 декабрь, Дүшәмбе

02 август 2010 йыл, 12:39

Тағы ике көн юғары температура һаҡланасаҡ

автор: Ғәлиә Нәбиева

Башгидромет синоптиктары аномаль юғары температуралар буйынса иҫкәртеүҙе тағы ике көнгә оҙайтты. Хәйер, градустар бер аҙ төшкән. Көндөҙ уртаса температура 34-39 кимәлендә буласаҡ тип көтөлә. Айырым райондарҙа киҫкен көсәйеүсән ел менән йәшенле ямғырҙар булыуы ихтимал. Ял көндәрендә Мораҡта, Асҡында, Күмертауҙа ямғырҙар үткән. Әлеге мәлдә республиканың төньяҡ һәм көньяҡ-көнбайыш өлөшөндә йәшенле ямғыр фронты туплана.  

Башгидрометтың баш синоптигы Анна Козаева әйтеүенсә, был аҙнала республикала эҫе һауа торошо һаҡланасаҡ. 10 авгусҡа ҡәҙәр күләмле яуым-төшөм көтөлмәй. Айҙың икенсе декадаһында ғына ямғырҙар яуыуы ихтимал.

темалар: һауа торошо