4 декабрь, Йәкшәмбе

02 август 2010 йыл, 9:46

Башҡортостан вәкиле йәш педагогтарҙың төбәк-ара форумында ҡатнашты

автор: Евгений Рәхимҡолов

Стәрлетамаҡ педагогы Оксана Самойлова Волга буйы федераль округы йәш педагогтарының төбәк-ара форумында ҡатнашты. Ул унда «Балаларға өҫтәмә белем биреүҙә үҙидара» программаһын тәҡдим итте. Был программа буйынса 13 йыл эшләү осоронда тупланған бихисап технологиялар менән Стәрлетамаҡ педагогы хеҙмәттәштәре менән уртаҡлашты.

Форумға Рәсәйҙең 21 төбәгенән вәкилдәр йыйылған. Ете көн дауамында улар мастер-кластарҙа, ижади оҫтаханаларҙа ҡатнашты, уларҙа мәрйен менән үреү, ҡайын туҙында һүрәт төшөрөү, сигеү һәм башҡа нәмәгә өйрәнде. “Түңәрәк өҫтәл” сиктәрендә форумда ҡанашыусылар «Яңы мәктәп» концепцияһы буйынса фекер алышты һәм үҙҙәренең проекттарын тәҡдим итте.