10 декабрь, Шәмбе

30 июль 2010 йыл, 12:15

БР буйынса Рәсәй реестры Идаралығы граждандар өсөн уңайлы шарттар булдыра

автор: Рәсүл Хәмиҙуллин

БР буйынса Рәсәй реестры Идаралығының Сибай бүлексәһендә ғариза биреүселәрҙе хәҙер яңыртылған залда ҡабул итәләр. Күсемһеҙ милеккә дәүләт теркәүе һәм күсемһеҙ милек менән башҡарылған килешеүҙәр менән бәйле дәүләт хеҙмәттәре күрһәтеү буйынса операциялар залы үҙгәреш кисергән.

Бинаны ҡайтанан планлаштырыу арҡаһында граждандар элеккесә кабинеттарҙа түгел, ә айырым кабинкаларҙа ҡабул ителә. Бынан тыш, операцион залда башҡа төрлө уңайлы шарттар ҙа булдырылған: һауа кондиционеры эшләй, түләүҙәр ҡабул итеү буйынса терминал ҡуйылған, мәғлүмәт стендтарын һәм үҙенең сиратын көткәндәргә мебелде яңыртыу ҙа планлаштырыла.

БР буйынса Рәсәй реестры Идаралығының матбуғат хеҙмәтенән хәбәр итеүҙәренсә, яңыртылған операцион зал Сибай хакимиәте һәм «Учалы тау-байыҡтырыу комбинаты» асыҡ акционерҙар йәмғиәтенең Сибай филиалы ярҙамы менән асылған.

темалар: рәсәй реестры