11 декабрь, Йәкшәмбе

28 июль 2010 йыл, 17:32

PR-белгестәр бөгөн үҙҙәренең һөнәри байрамын билдәләй

автор: Евгений Рәхимҡолов

Бөгөн PR-белгестәр үҙҙәренең һөнәри байрамын билдәләй. 28 июль көнө осраҡлы һайланмаған. Тап ошо көндә 2004 йылда Дөйөм Рәсәй эшселәр профессияһы, хеҙмәткәрҙәр вазифалары һәм тариф разрядтары классификаторына йәмәғәтселек менән бәйләнеш буйынса белгестәрҙең квалификацияһын билдәләүсе характеристика индерелгән. Ә теүәл бер йылдан һуң был профессияны дәүләт теркәүе үтә. Һөнәрҙе теркәү процесы иһә Рәсәй йәмәғәтселек менән бәйләнештәр буйынса ассоциацияһы инициативаһы менән 2001 йылда уҡ башлана.

Дәүләт кимәлендә танылыуы был һөнәрҙе йәшерен профессиялар рәтенән сығара.  «Пиар» бизнес үҫешенә йоғонто яһаған маркетинг, реклама һәм башҡа өлкәләр кеүек кәрәкле инструмент статусын ала. Йәмәғәтселек менән бәйләнеш буйынса белгестәр бөгөн илебеҙҙең һәм республикабыҙҙың бар эре компанияларында хеҙмәт итә.