8 декабрь, Кесе йома

28 июль 2010 йыл, 16:37

«Сибур» компанияһы етәксеһе менән эш осрашыуы

автор: БР Президентының матбуғат хеҙмәте

28 июля Республика Йортонда Башҡортостан Президенты Рөстәм Хәмитов «Сибур» яуаплылығы сикләнгән йәмғиәте президенты Дмитрий Конов менән эш осрашыуы үткәрҙе.

Рөстәм Хәмитов менән Дмитрий Конов республиканың «Сибур» компанияһы менән хеҙмәттәшлеген үҫтереү мәсьәләләрен тикшерҙе. Шулай уҡ нефтехимия өлкәһендә берлектәге проекттарҙы тормошҡа ашырыу тураһында ла һүҙ алып барылды. Атап әйткәндә, «Полиэф» предприятиеһындағы хәл ҡаралды, уның акционеры булып «Сибур» яуаплылығы сикләнгән йәмғиәте тора. Полиэфир комплексы эшмәкәрлегенең финанс-иҡтисади күрһәткестәре, комплексты артабан үҫтереү һәм модернизациялау буйынса саралар тикшерелде.