8 декабрь, Кесе йома

26 июль 2010 йыл, 15:47

Диниә назаратында Иран илсеһе советнигы Хашеме Чегини менән осрашыу

автор: Евгений Рәхимҡолов

Уҙған йома көндө Башҡортостан Республикаһы мосолмандарының Диниә назараты рәйесе мөфтөй Нурмөхәмәт Ниғмәтуллин Иран илсеһе советнигы Хашеме Чегини менән осрашты. Әңгәмә барышында ике яҡ араһында артабанғы хеҙмәттәшлек перспективалары тикшерелде.  

Әлеге ваҡытта Иран менән БР мосолмандары Диниә назараты араһында мөнәсәбәттәр ярайһы уҡ уңышлы үҫешә. Мәҫәлән, Башҡортостан дини хеҙмәткәрҙәренең Иранға белем алыу маҡсатында сәфәрҙәре изге традицияға әйләнде. Үҙ сиратында Иран ғалимдары һәм дин белгестәре республикабыҙ дини белем биреү учреждениеларында дәрестәр үткәрә. Өфөлә, мәҫәлән, Мәрйәм Солтанова исемендәге мәҙрәсәлә бер нисә йыл инде Ирандан педагог Сирус Борзу эшләй. Быйыл яҙ уның БР мосолмандары Диниә назараты бинаһында «Иран мәсеттәре» тигән фотокүргәҙмәһе үтте.