7 декабрь, Шаршамбы

22 июль 2010 йыл, 10:31

Реналь Ғәниев Европа миҙалдары тупланмаһына команда менән яуланған «көмөш»тө өҫтәне

автор: Дмитрий Слезин / Рәсәй Фехтование федерацияһы

Рапира буйынса Рәсәй йыйылма командаһы, уның составында Реналь Ғәниев, шулай уҡ Артем Седов, Алексей Хованский һәм Алексей Черемисинов сығыш яһаған, фехтование буйынса Европа чемпионатында көмөш миҙал яулаған. Ярыштар Германияның Лейпцигында бара.

Рапирасыларҙың команда турнирында финалға сығыу өсөн барған  ярыштарҙа рәсәйлеләр Молдавия йыйылма командаһын ышаныслы еңде – 45:17, Австрияны – 45:24, һәм Бөйөк Британия командаһын – 43:22.

Итальяндар менән финал алышында тәүҙә көрәштәштәре алға сыҡты. Артабан иҫәпте тигеҙләргә, хатта бер мәрәйгә алға сығырға мөмкинлек булды – 11:10. Әммә һуңынан итальяндар юғары оҫталығын күрһәтте һәм һөҙөмтәлә еңеү яуланы – 45:33.

«Бронза»ны поляктарҙы еңгән Бөйөк Британия рапирасылары алды – 44:37.