4 декабрь, Йәкшәмбе

21 июль 2010 йыл, 17:47

Өфө Рәсәйҙең йәйге биатлонсыларын ҡабул итә

автор: Дмитрий Слезин

Шаршамбы, 21 июлдә, Өфөнөң «Биатлон» спорт-һауыҡтырыу копмлексында йәйге биатлон буйынса Рәсәй беренселеген һәм чемпионатын асыу тантанаһы үтте. Был ярыштар Олимпиада уйындарында, донъя һәм Европа чемпионатында ҡатнашыу өсөн Рәсәй йыйылма командалары составына иң көслө спортсыларҙы һайлап алыу этабы булып тора.

Уйындарҙы асыу тантанаһында Башҡортостан Республикаһы Йәштәр сәйәсәте, спорт һәм туризм министрлығы, Башҡортостан Республикаһы биатлон буйынса олимпиа резервы махсуслаштырылған балалар-үҫмерҙәр мәктәбе һәм БР РОСТО ДОСААФ вәкилдәре ҡатнашты.

Ярыштарҙа Башҡортостандан, Татарстандан, Карелия, Сыуашстан, Марий Иленән, Удмуртиянан, Мордовия, Мәскәү ҡалаһы һәм өлкәһенән, Санкт-Петербург, Һарытау, Ханты-Манси автономиялы округынан, Силәбе, Төмән, Новосибирск, Мурманск, Свердловск, Ҡурған, Смоленск, Һамар, Вологда, Ульяновск, Архангельск өлкәләренән һәм Пермь крайынан 189 спортсы ҡатнашасаҡ.

Аҙна дауамында спортсылар «кросс», «кросс-спринт», «кросс-персьют» и «күләмле старт» дисциплиналарында көс һынашасаҡ.

Ярыштар программаһы түбәндәгесә:

22 июль – спринт: ир-егеттәр, юниорҙар — 4 км, ҡатын-ҡыҙҙар, юниорҙар — 3 км;

23 июль — кросс-персьют: ир-егеттәр, юниорҙар — 6 км, ҡатын-ҡыҙҙар, юниорҙар — 5 км;

25 июль — масс-старт: ир-егеттәр, юниорҙар — 6 км, ҡатын-ҡыҙҙар, юниорҙар — 5 км.

темалар: йәйге биатлон