7 декабрь, Шаршамбы

21 июль 2010 йыл, 11:06

«Ҡазан. Нанотехнологиялар-2010» халыҡ-ара күргәҙмәһе

автор: "Башинформ"

Башҡортостан предприятиелары 2010 йылдың 8-11 декабрендә Ҡазан йәрминкәһендә үтәсәк «Ҡазан. Нанотехнологиялар-2010» халыҡ-ара күргәҙмәһендә һәм «Нанотехнологиялар сәнәғәттә» конференцияһында ҡатнаша аласаҡ. «Татар-информ» хәбәр итеүенсә, конференцияла бер нисә секция эшләйәсәк тип планлаштырыла: «Нанотехнологиялар нефть-газ сәнәғәтендә», «Нанотехнологиялар медик-биологик тикшеренеүҙәрҙә», «Нанотехнологиялар авиа-, авто һәм машиналар эшләүҙә», «Наноиндустрия өсөн кадрҙар әҙерләү», «Наноиндустрияла техник көйләү һәм интеллектуаль милек менән идара итеү».

Күргәҙмәлә һәм конференцияла ҡатнашыуға Рәсәй, яҡын һәм алыҫ сит илдәр предприятиелары, вуздары, ғилми-тикшеренеү институттары саҡырылған. «Нанотех-2010» күргәҙмәһенең ойоштороу комитеты рәйесе – Татарстан Республикаһы сәнәғәт һәм сауҙа министры Рауил Зарипов, ҡушма рәйестәре — ТР наноиндустрияны үҫтереү буйынса  республика ведомство-ара комиссияһы рәйесе Борис Павлов һәм «Роснано» дәүләт корпорацияһы генераль директоры урынбаҫары Андрей Малышев.