7 декабрь, Шаршамбы

20 июль 2010 йыл, 14:43

Владимир Путин Рөстәм Хәмитовты ҡотланы

автор: БР Президентының матбуғат хеҙмәте

Рәсәй Федерацияһы Хөкүмәте Рәйесе Владимир Путин Рөстәм Хәмитовҡа Башҡортостан Республикаһы Президенты вазифаһын үтәй башлауы менән ҡотлап телеграмма ебәрҙе.

Владимир Путинтың телеграммаһында шулай тиелә:

«Хөрмәтле Рөстәм Зәки улы!

Һеҙҙе Башкортостан Республикаһы Президенты вазифаһына рәсми тәғәйенләнеүегеҙ менән ҡотлайым.

Һеҙ төбәкте бик мөһим, яуаплы осорҙа етәкләнегеҙ. Тап Һеҙгә Башҡортостандың артабанғы үҫешенә, уның граждандарының көнкүрешен яҡшыртыуға, тотороҡлолоҡто һәм ижтимағи татыулыҡты нығытыуға курсты дауам итергә кәрәк буласаҡ.

Иҡтисадта һәм социаль өлкәлә, республиканың етди ғилми, интеллектуаль, мәҙәни ҡеүәтен тормошҡа ашырыуҙа ҡаҙаныштарҙы арттырыу өсөн бөтә белемегеҙҙе һәм тәжрибәгеҙҙе ҡулланырһығыҙ, тип ышанам.

Һеҙгә уңыштар һәм пландарығыҙҙы тормошҡа ашырыуығыҙҙы теләйем.

В.Путин».