4 декабрь, Йәкшәмбе

20 июль 2010 йыл, 14:20

Стәрлетамаҡта етем балаларға ярҙамға 700 мең һум самаһы аҡса йыйғандар

автор: Евгений Рәхимҡолов

Стәрлетамаҡ хакимиәте менән ата-әсә ҡарауынан мәхрүм балаларға ярҙам маҡсатында иғлан ителгән хәйриә акцияһы һиҙелерлек һөҙөмтәләр килтергән. Уны үткәреү барышында предприятиелар һәм ҡала халҡы 694,6 мең һум йыйған.

Матди средстволарҙы бүлеү буйынса комиссия ултырышында йыйылған ресурстарҙы тәү сиратта Стәрлетамаҡ ҡалаһы Балалар йортона, Стәрлетамаҡтың махсуслаштырылған сабыйҙар йортона, «Данко» балаларға ярҙам үҙәгенә йүнәлтергә ҡарар ителгән. Аҡсаның бер өлөшө, шулай уҡ, ҡарауға алынған балалар иҫәбенән беренсе класҡа барасаҡ балаларға, инвалидлығы булған етем балаларға, йәнә ҡарауға алынған балаларға пособие алмаған ғаиләләргә тапшырыласаҡ.

Средстволар бүлеү буйынса киләһе комиссия ултырышы авгусҡа билдәләнгән. Шуға ҡәҙәр мәрхәмәтлек акцияһы дауам итә.