11 декабрь, Йәкшәмбе

16 июль 2010 йыл, 12:43

Барлыҡ банктарҙың клиенттары үҙенең кредит тарихын МДМ Банкта белә ала

автор: Эльвира Латипова

МДМ Банк яңы хеҙмәт тәҡдим итә – хәҙер физик шәхестәргә банк аша үҙҙәренең кредит тарихынан мәғлүмәт алырға мөмкин.  

Кредит отчетын һорап, теләһә ҡайһы банк клиенты мөрәжәғәт итә ала.  Был уларға үҙенең заемсы булараҡ статусын белергә һәм уны аныҡ баһаларға ярҙам итәсәк: ваҡытында түләнмәгән кредит түләүҙәре юҡмы, кредит тарихы бюроһында һаҡланған бар мәғлүмәт тә актуалме һәм башҡалар.  

Бөгөн төрлө банктарға кредит һорап мөрәжәғәт итеүселәрҙең күбеһе кире яуап ала. Шул уҡ мәлдә ниндәй сәбәп буйынса кредит бирергә теләмәүҙәрен банктар атамай, әммә, практиканан күренеүенсә, төп сәбәптәрҙең береһе – кредит тарихында һаҡланған мәғлүмәт.

Кредит тарихының үҙәк каталогы мәғлүмәте нигеҙендә төҙөлгән кредит отчеты клиенттарға ун көн эсендә әҙерләп биреләсәк, хеҙмәт хаҡы – 500 һум.