10 декабрь, Шәмбе

14 июль 2010 йыл, 10:47

Йәштәр лидерҙары өсөн экология буйынса конкурс иғлан ителгән

автор: Юлай Мәғсүмов

"Оксфам Рәсәй" халыҡ-ара хәйриә ойошмаһы йәштәрҙең климат хәрәкәте лидерҙары һәм инициатива төркөмдәре, шулай уҡ “йәшел” командалар өсөн «Климат ярты йыллығы» исемендәге конкурс башланыуы хаҡында иғлан итә. Конкурс 2010 йылдың 10 июленән 10 декабргә тиклем дауам итәсәк.

Ошо ваҡыт дауамында теркәлеү үткән бар ҡатнашыусыларҙың экология темаһы буйынса һорауҙарға яуап бирергә һәм ҡиммәтле бүләктәр алырға мөмкинлеге бар. Конкурс бер нисә этаптан торасаҡ. Ике аҙнаға бер тапҡыр Clicr.Ru порталында «Конкурс» бүлегендә сираттағы этаптың һорауҙары ҡуйылып барасаҡ. Еңеүселәр 2010 йылдың 15 декабрендә иғлан ителәсәк.