11 декабрь, Йәкшәмбе

13 июль 2010 йыл, 12:12

«Мираҫ» ансамбле сит илдәргә гастролгә юллана

автор: Ольга Мортазина

Иртәгә, 14 июлдә, «Мираҫ» фольклор бейеү ансамбле Францияға юлланасаҡ. Рәсәй һәм Франция дуҫлығы йылы сиктәрендә башҡорт ансамбле үҙ республикаһы һәм иле исеменән киң сараларҙа ҡатнашасаҡ.  

— Беҙ Европаға үҙебеҙҙең сәғәт ярымлыҡ программабыҙҙы алып барабыҙ, — тип һөйләне ансамбль етәксеһе Валерий Степанов. — Гастролгә бөтә коллективыбыҙ менән тиерлек сығабыҙ, беҙҙә бейеүселәрҙән тыш, музыканттар һәм йырсыларыбыҙ ҙа бар бит. Был сәфәр Өфө ҡалаһы хакимиәте ярҙамы менән тормошҡа ашырыла. Беҙгә бик яуаплы миссия йөкмәтелгән, һәм беҙ уны үтәргә тырышасаҡбыҙ.

Франциянан коллектив Швейцарияға юл тотасаҡ: уларҙы бында Европаның был туристик «мәккәһе» тарафынан йыл һайын үткәрелгән традицион фольклор фестивале көтә.